Texnik qo'llab-quvvatlash: +99871 207-87-00

Texnik qo'llab-quvvatlash: +99871 207-87-00

Yangiliklar

Темир йўл транспорти соҳаси ходимларига

2023-08-07

 05.08.2023

Ҳурматли дўстлар!

Аввало, сизларни – заҳматкаш ишчи ва хизматчилар, қурувчи ва муҳандисларни, машинист ва вагон кузатувчилари, соҳа фахрийларини Темир йўл транспорти ходимлари куни билан чин дилдан самимий табриклайман.

Янги Ўзбекистонни – жадал ривожланиб, дунёга юз тутаётган давлат ва жамиятни барпо этишда сиз, азизларнинг ўрнингиз ва ҳиссангиз беқиёс эканини барчамиз миннатдорлик билан эътироф этамиз.

Жонажон Ватанимиз мустақиллигининг 32 йиллиги арафасида нишонланаётган ушбу қутлуғ айёмда Ўзбекистон темир йўллари истиқлол даврида катта ривожланиш йўлини босиб ўтганини таъкидлашимиз табиийдир.

Бу даврда 2 минг 400 километрдан кўпроқ янги темир йўллар қурилиб, фойдаланишга топширилди, 3 минг километрдан зиёд йўллар электрлаштирилди, 1 минг 100 километрдан ортиғи эса реабилитация қилинди.

Ҳеч шубҳасиз, темир йўл тармоқларининг кенгайиб бораётгани барча ҳудудларимизни ўзаро мутаносиб ривожлантириш, бой минерал хомашё ресурсларини комплекс ўзлаштиришда янги-янги имкониятлар очмоқда.

Буни “Ўзбекистон темир йўллари” акциядорлик жамияти ташкил этилганидан буён юк ва йўловчи ташиш ҳажми 2 баробардан зиёд кўпайгани, 1,6 миллиард тонна юк ташилиб, 380 миллион нафар йўловчи манзилга етказилгани ҳам яққол тасдиқлайди.

Сизлар каби минглаб фидойи юртдошларимизнинг масъулиятли меҳнати туфайли мамлакатимизда замонавий инфратузилмага эга бўлган, аҳоли ва иқтисодиёт тармоқларининг эҳтиёжларини тўлиқ таъминлай оладиган яхлит темир йўл тизими барпо этилиб, республикамизнинг барча ҳудуд ва минтақаларини ишончли ва самарали боғлаб келмоқда.

Ҳозирги кунда юртимиз замонавий транспорт коммуникациялари ва юксак транзит салоҳиятига эга бўлган давлат сифатида Шарқ ва Ғарб, Жануб ва Шимолни ўзаро боғлайдиган халқаро темир йўлларнинг муҳим ҳалқасига айлангани билан ҳар қанча фахрлансак арзийди.

Пойтахтимиздан Самарқанд, Бухоро, Қарши каби тарихий шаҳарларимизга қатнаётган замонавий “Афросиёб” электропоездлари миллий темир йўл транспортимизнинг брендига айланди. Насиб этса, келгуси йилда Бухоро – Хива йўналишида ҳам юқори тезликда ҳаракатланадиган йўловчи поездлари қатновини йўлга қўямиз. Бу эса аҳолимиз учун ҳар томонлама қулайлик яратиш билан бирга, туризм соҳаси ривожини янги босқичга кўтаришга хизмат қилади.

Ўзбекистон темир йўлчилари аэропортлар, метро линиялари, кўприк ва йўл ўтказгичлар қуриш, конларни ўзлаштириш борасида ҳам муҳим стратегик лойиҳаларни амалга оширишда фаол иштирок этиб келмоқда.

Мамлакатимиз Марказий Осиёда биринчи бўлиб темир йўл соҳасида ўзининг оғир машинасозлик ва қуюв-металлургия саноатига эга бўлди. Замонавий технологиялар билан жиҳозланган йирик саноат корхоналари барпо этилиб, вагон ишлаб чиқариш, локомотивлар, юк ва йўловчи вагонларини модернизация қилиш ва таъмирлаш йўлга қўйилди.

Энг муҳими, соҳада амалга оширилаётган мураккаб бошқарув ва технологик ишларнинг барчаси ўзимизнинг маҳаллий мутахассисларимиз, азму шижоатли ёшларимиз томонидан бажарилмоқда.

Фурсатдан фойдаланиб, ушбу тизимда сидқидилдан меҳнат қилаётган барча юксак маҳоратли, жонкуяр инсонларга ўз номимдан, халқимиз номидан ташаккур билдираман.

Ҳурматли байрам иштирокчилари!

Мамлакатимиз темир йўл тизимини модернизация қилиш, соҳага хорижий инвестицияларни кенг жалб этган ҳолда йирик ва истиқболли лойиҳаларни амалга ошириш, янгича фикрлайдиган, Ватанимизга садоқат билан хизмат қиладиган замонавий кадрларни тайёрлаш борасида ҳали кўп иш қилишимиз кераклигини албатта барчамиз яхши тушунамиз.

Ўтган даврда катта билим ва тажриба орттирган темир йўл соҳаси ходимлари ўзларининг мардона меҳнати, бунёдкорлик салоҳияти билан олдимизда турган вазифаларни муваффақиятли адо этадилар, деб ишонаман. Бу мақсадларга эришиш учун давлатимиз томонидан барча зарур шароитлар яратиб берилишини алоҳида таъкидламоқчиман.

Сиз, азизларни касб байрамингиз билан яна бир бор табриклаб, келгуси фаолиятингизда янги ютуқ ва омадлар, хонадонларингизга тинчлик, бахт ва қут-барака тилайман.

 

Шавкат Мирзиёев,

 

Ўзбекистон Республикаси Президенти

O'xshash yangililar

  • Mijozlarga xizmat ko'rsatish tizimidagi o'zgarishlar 2019 yil 20 oktyabr

  • Информация об обновлении автопарка Автовокзала

  • 21-oktyabr Ozbek tiliga davlat tili maqomi berilgan kun

  • 25- oktyabr "Avtomobilchilar kuni"

  • 8-декабрь - Oʻzbekiston Respublikasi Konstitutsiyasi kuni

  • 27- декабр

  • Навруз-2021

  • ТАДБИРКОРЛАР ДИККАТИГА!!

  • BAYRAM TABRIGI

  • Jamoat transporti orqali jami 131,3 milliondan ziyod qatnov amalga oshirildi

  • Bugun, 7-avgust kuni Transport vaziri Ilhom Maxkamov “El-yurt umidi” jamg‘armasi stipendiantlari bilan uchrashdi.

  • Joriy yilning birinchi yarmida Samarqand xalqaro aeroporti 439 664 yo‘lovchiga xizmat ko‘rsatdi

  • “Uzbekistan Airports” AJ ga yangi rahbar tayinlandi

  • Transport vaziri ijtimoiy himoyaga muxtoj yoshlar bilan uchrashdi

  • Bokuda “O'zbekiston va Ozarbayjon: hamkorlikning yangi istiqbollari” mavzusida davra suhbati bo'lib o'tdi

  • Yil yakuniga qadar Xorazmga 100 ta yangi avtobus olib kelinadi

  • Transport va logistika infratuzilmalarini rivojlantirish bo‘yicha o‘rganish olib borilmoqda

  • Toshkent temir yo‘l texnikumida qabul jarayoni boshlandi

  • Transkaspiy transport yo’lagi orqali yuk tashuvlarini rivojlantirish istiqbollari muhokama etildi

  • Toshkentda (https://telegra.ph/file/c6070cc4e61bcc5affe96.jpg) avtomobil transportiga bag'ishlangan konferensiya bo'lib o'tadi

  • Hududlarda avtomatlashtirilgan dispetcherlik boshqaruvi va nazorat tizimi joriy etiladi

  • "IndiGo", "LOT Polish Airlines", "Malindo Airways" aviakompaniyalari muntazam aviaqatnovlarni amalga oshirish uchun ruhsatnoma oldi

  • Qirg‘izistonda hukumatlararo qo‘shma komissiyaning 10-yig‘ilishi bo‘lib o‘tadi

  • Toshkentda yo‘l-transport infratuzilmasini rivojlantirish bo‘yicha vazifalar Slovakiya OAV diqqat markazida

  • Cholpon-Otada Qirg'iziston Respublikasi va O'zbekiston Respublikasi o'rtasida ikki tomonlama hamkorlik bo'yicha Qo'shma hukumatlararo komissiyaning 10-yig'ilishi bo'lib o'tdi

  • Транспорт, энергетика ва саноат лойиҳалари тақдимот қилинди

  • Avtobuslarda yo'lovchilarni kechasi tashishga ruxsat beriladi

  • Yangi transport-tranzit koridori loyihasi muhokama qilindi

  • Pekinda Barqaror transport bo'yicha global forum o‘z ishini boshladi

  • Osiyo taraqqiyot banki vakillari bilan uchrashuv

  • Transafg‘on yo‘lagi orqali multimodal tashuvlar rivojlantiriladi

  • #Yashil_makon

  • O‘zbekiston Respublikasi Transport vazirligi tashkil etilganiga 5 yil to‘ldi

  • Ijtimoiy tarmoqda e’lon qilingan xabarlar yuzasidan xizmat tekshiruvi tayinlandi

Yangiliklar

Barcha yangiliklar
  • 2024-02-05

    Ijtimoiy tarmoqda e’lon qilingan xabarlar yuzasidan xizmat tekshiruvi tayinlandi

    Batafsil
  • 2024-02-05

    O‘zbekiston Respublikasi Transport vazirligi tashkil etilganiga 5 yil to‘ldi

    Batafsil
  • 2024-01-18

    Batafsil